Міжнародная канферэнцыя распрацоўнікаў і карыстальнікаў свабодных праграм

07.07.2019

Распачаты прыём заяваў на LVEE 2019

15-я міжнародная канферэнцыя распрацоўнікаў і карыстальнікаў свабодных праграм Linux Vacation / Eastern Europe (LVEE 2019) адбудзецца з 22 па 25 жніўня пад Мінскам.

02.08.2018

Аплата ўдзелу ў LVEE праз сістэму “Разлік” (АРIП)

Дзякуючы партнёрству з Мінскім Хакерспэйсам да 16 жніўня арганізацыйны ўзнос LVEE 2018 можна выплаціць праз сістэму АРIП.

01.08.2018

Linux Piter #4

The 4th annual conference LinuxPiter will be held in Saint Petersburg on November 3-4, 2018.

Усе навіны

Сцісла пра канферэнцыю

22 – 25 жніўня пад Менскам пройдзе летняя сесія Міжнароднай канферэнцыі распрацоўнікаў і карыстальнікаў свабодных праграм Linux Vacation / Eastern Europe (LVEE 2019). Імпрэза спалучае стасункі і адпачынак адмыслоўцаў і прыхільнікаў свабоднага праграмавання, у тым ліку для платформы GNU/Linux, але не толькі.

Арганізатары LVEE 2019 – суполка менскіх карыстальнікаў Linux, а таксама дзейныя сябры супольнасці open source з гарадоў Беларусі. Рэкамендаваныя для ўдзелу ў канферэнцыі мовы – расейская, беларуская і ангельская.

Заявы на ўдзел і тэзісы выступленняў прымаюцца да 4 жніўня.

Фармат канферэнцыі ўключае галоўным чынам даклады і кароткія выступы; магчымыя таксама круглыя ​​сталы і код-спрынты. У распараджэнні дакладчыкаў канферэнц-зала, абсталяваная ўсёй неабходнай апаратурай.

Для матэрыялаў дакладаў LVEE 2019 прадугледжана як размяшчэнне ў публічным доступе да пачатку канферэнцыі з наступным папаўненнем мультымедыйнымі матэрыяламі (слайды і відэа дакладаў), так i ўключэнне тэзісаў ў друкаваны зборнік LVEE.

Тэматыка дакладаў тычыцца распрацоўкі, суправаджэння і адміністравання вольнага праграмнага забяспечэння, ўкаранення рашэнняў на яго аснове, пабудовы бізнесу, заснаванага на свабодных тэхналогіях, асаблівасцяў выкарыстання свабодных ліцэнзій. Канферэнцыя традыцыйна ахоплівае шырокае кола платформаў – ад працоўных станцый і сервераў да ўбудаваных сістэм і мабільных прылад.

Выступоўцы, а таксама прадстаўнікі фундатараў і прэсы вызваленыя ад сплаты арганізацыйных унёскаў.

Аргкамітэт запрашае да ўдзелу спонсараў.

Падрабязней можна прачытаць на старонцы Канферэнцыя.